ദൈവം ഒരു മാങ്ങയാണ് ..............

വെറുതെ മനസ്സിൽ തോന്നിയ ഒരാശയം.....ഇതു കേട്ടിട്ട് നിനക്കു എന്തോ തോന്നി എന്ന് തൊട്ടടുത്ത ഇരുന്ന ലിസിയോട് ചോദിച്ചു ...നീ ഇങ്ങനെ ദൈവത്തെ കളിയാക്കിക്കോ എന്ന് അവൾ  ആദ്യം പറഞ്ഞു ......ഓ മാങ്ങയ്ക് മധുരം ആണെല്ലോ അതാണല്ലേ...എന്നായി പിന്നെ.

എവിടെ നിന്നോ കറങ്ങി തിരിഞ്ഞു വന്ന ഫെബിയോട് ചോദിച്ചപ്പോ ആലോചിച്ചിട് ഇപ്പൊ വരാം എന്ന്  പറഞ്ഞു പോയ അളിയനേം  കാണാനില്ല...

അല്ല മാഷേ ..എനിക്കെന്താ ഇങ്ങനെ തോന്നിയത് ...മാങ്ങാ... നല്ല മധുരമുള്ള എല്ലാവരും ഒരുപോലെ ഇഷ്ട്ടപെടുന്ന ഒരു പഴം. ഇങ്ങു ഇന്ത്യയുടെ തെക്കേ അറ്റത്തുള്ള മ്മടെ കൊച്ചു കേരളത്തിൽ മ്മുടെ വീട്ടിൽ നട്ടുവളർത്തിയ മാവിൽ ഉണ്ടായ മധുരമുള്ള പഴത്തെ 'മാമ്പഴം' എന്നും 'മാങ്ങാ' എന്നൊക്കെ  വിളിക്കും, ഇത് നമ്മുടെ തൊട്ടടുത്ത തമിഴ് നാട്ടിൽ ചെന്നാലോ അവിടെ ഇത് "മാങ്ക", അങ്ങ്  വടക്കേ ഇന്ത്യയിൽ ചെന്നാൽ അവർക്ക് ഇത് "ആം" ആണത്രേ... ഇനി അങ്ങ് ഇംഗ്ലീഷ്കാരോട് ചോദിച്ചാലോ , ഇത് 'മംഗോ' ആണെന്ന് ഒരു കൂസലും ഇല്ലാതെ പറയും... എന്താല്ലേ ... ഒരേ തൈ അത് ദേശവും ഭാഷയും മാറുമ്പോ, അത് വളരുന്ന മണ്ണും ഒക്കെ മാറുമ്പോ, അതിനെ വിളിക്കുന്ന പേര് മാറുന്നു, എന്തൊക്കെ മാറിയാലും ആ തയ് വളർന്നു മാവ് ആയാൽ പിന്നെ  അതിൽ ഉണ്ടാവുന്നത് മാങ്ങാ തന്നെ അല്ലെ, അത് കഴിക്കുമ്പോ മധുരവും....

ഇത് തന്നെയല്ലേ മാഷേ....ഈ  ദൈവത്തിൻറെ  കാര്യത്തിലും സംഭവിക്കുന്നത്. ഈ ദൈവം എന്ന ആശയം ഉടലെടുത്തത് എങ്ങനെയാണെന്നു എവിടെ നിന്നാണെന്നോ എന്നൊന്നും അറിയില്ല. പക്ഷെ ദൈവം എന്ന ഒരേ ആശയം പല ഭാഷകളിൽ എത്തിയപ്പോ ദൈവത്തിന്റെ പേരും മാറി , ആരാധന രീതിയും മാറി. മതം എന്ന ചിന്ത വ്യത്യസ്ത ദേശങ്ങളിലെ വ്യത്യസ്ത സംസ്കാരത്തിൽ നിന്നും ഉടലെടുത്തതാണെന്ന് തോന്നുന്നു. ഒരേ മാവിന്റെ തൈ പല ദേശത്തു  നാട്ടു പല വളങ്ങൾ ഇട്ടു പല അരുവികളിലെ വെള്ളം ഒഴിച്ച് വളർത്തിയാലും, അതിലെ മാങ്ങയെ ഏത് പേര് ഇട്ടു അങ്ങ് വിളിച്ചാലും.. അത് ഞങ്ങളുടെ തോട്ടത്തിലെ മരമാണ് എന്നാരൊക്കെ പറഞ്ഞാലും അതിലുണ്ടാവുന്ന  മാമ്പഴത്തിനു ഒരേ രുചിയെ ഉള്ളു .........മധുരം. അതുപോലെ തന്നെ ദൈവത്തിനും ഒരേ ഭാവമേ ഉള്ളു ...സ്നേഹം...

ഈ അടുത്തിടെക് NETFLIX-ൽ "MESSIAH"എന്നൊരു വെബ് സീരീസ് കണ്ടു.പല കാഴ്ചപ്പാടുകൾ ഉള്ള നല്ല ആശയം ഉള്ള ഒരു സീരീസ്. അതിൽ ഒരു ദിവസം ആളുകളുടെ ഇടയിൽ ഒരു ചെറുപ്പക്കാരൻ എത്തുന്നു. അവൻ കുറെ ആളുകളോട് നന്മ തിന്മകളെ കുറിച്ചു സംസാരിക്കുന്നു..കുറെ  ആളുകൾ അത് കേൾക്കുന്നു കുറെ പേര് അവനെ കളിയാക്കുന്നു, എതിർക്കുന്നു. ദിവസങ്ങൾ കഴിയുംതോറും അവനെ കേൾക്കാൻ ആളുകൾ ഏറിവന്നു കൂട്ടത്തിൽ അവനെ എതിർക്കാനും വിമര്ശിക്കാനും അവൻ കള്ളൻ ആണ് എന്ന് പറഞ്ഞു കല്ലെറിയാനും ആളുകൾ ഉണ്ടായി. അവനോട് പെരു ചോദിച്ചപ്പോൾ  അവൻ "മെസ്സിഹ" എന്നാണ് പറഞ്ഞത്, അവൻ കാണിച്ച കുറച്ച അത്ഭുതങ്ങൾ  ചിലരെ അവന്റെ അനുയായികളാക്കി മറ്റു ചിലർ അവൻ മാജിക് അറിയാവുന്ന ഒരു തട്ടിപ്പുകാരൻ  മാത്രമാണ് എന്ന് പറഞ്ഞു . കഥ മുമ്പോട്ടു പോകുമ്പോൾ നമുക് മനസിലാകും അവൻ ഒരു മതത്തിന്റെ പേരും പറഞ്ഞിരുന്നില്ല അവൻ ആരാണ് എന്നും പറയുന്നില്ല എന്നാൽ ഓരോ മതക്കാർ അവനെ തങ്ങളുടെ ദൈവ പരിവേഷം കെട്ടിച്ചു  തങ്ങളുടെ മതത്തിന്റെ പേര് ചാർത്താൻ ശ്രമിച്ചു, അത് പതുക്കെ മതങ്ങൾ തമ്മിൽ അടിയുണ്ടാക്കാൻ വഴിവെച്ചു. .. ഈ വെബ്‌സെരിയസിലെ നായികാ ഒരു ടെൿറ്റക്റ്റീവ് ആണ്, അവൾ ഒരു റെസ്റ്റെന്റിൽ കോഫി കുടിച്ചുകൊണ്ടിരിക്കെ അവിടുത്തെ പാർട്ടൈം ജോലിക്കാരൻ ഒരു തീയോളജി STUDENT  ആണ് എന്ന് മനസിലാക്കി, സംസാരിക്കവെ അവനോട് Samuel P. Huntington- എഴുതിയ Clash of Civilizations-എന്ന ബുക്കിനെ പറ്റി പറയുന്നുണ്ട്....അതിൽ  പറയുന്നത് ഇനി വരാനിരിക്കുന്ന യുദ്ധങ്ങൾ മതത്തിന്റെ പേരിൽ ആകും എന്നാണ്.

അല്ല ഞാൻ ആലോചിക്കുന്നത് ഈ മതവും ദൈവവും തമ്മിൽ എങ്ങനെ പരസ്പര  ബന്ധം ഉണ്ടായി എന്നാണ്...ദൈവത്തെ ആരാധിക്കാൻ ഒരു മതം  വേണോ.. അല്ല ഒരു മതത്തിൽ ജനിച്ചതുകൊണ്ട് സ്ഥിരമായി അമ്പലത്തിലും പള്ളിയിലും പോകണം എന്നുണ്ടോ. എപ്പോഴോ മനസ്സിൽ വന്ന ഒരു കുസൃതി ആശയം... നാളെ രാവിലെ ഗുരുവായൂരപ്പൻ ആരുടെ എങ്കിലും സ്വപ്നത്തിൽ വന്നു പറയുവാണ്... സഹോ ഞാൻ കുറെ ആയി ഈ അമ്പല SETUP- ൽ ഇരുന്നു മടുത്തു...ഞാനെ നാളെ മുതൽ കുറച്ച ദിവസത്തേക്കു പള്ളിയും പട്ടക്കാരുമായി ഒന്നും കറങ്ങി നോക്കട്ടെ.... അല്ലേൽ യേശുദേവനോ നബി തിരുമേനിയെ ഇതുപോലെ കുറച്ചു ദിവസം ഒരു ബ്രേക്ക് എടുത്ത് അടുത്ത മതത്തിൽ ഒരു VACATION പൊളിച്ചിട്ടു വരാം എന്ന് പറയുന്നു.. ഈ സ്വപ്നം കണ്ട "സഹോ" ഇതെങ്ങാണം പുറത്തു പറഞ്ഞാൽ അവന്റെ അവസ്ഥ..."jiya jale jaa jale...."

മതത്തിൽ വിശ്വസിക്കുന്നവർക് തങ്ങളുടെ ദൈവത്തെ മറ്റു മതങ്ങളിൽ കാണാൻ ഇഷ്ട്ടമല്ല...അപ്പൊ അതിനർത്ഥം ദൈവങ്ങളെക്കാളും അവർക്കിഷ്ടം മതത്തെയാണ് എന്നല്ലേ...എന്നോട് ഏതൊക്കെ കേട്ടിട്ട് വിശ്വാസിയാണോ എന്ന് ചോദിച്ചാൽ...എൻറെ  മാഷെ ...ദൂരെ ഉള്ള എന്റെ വേണ്ടപ്പെട്ടവരെ ഞാൻ സ്നേഹിക്കുന്നവരെ ഒരദൃശ്യ ശക്തി സംരക്ഷിക്കുന്നുണ്ട് എന്ന് ഞാൻ ഉറച്ചു വിശ്വസിക്കുന്നു. സത്യം പറഞ്ഞാൽ അതുകൊണ്ട് എനിക്ക് കുറച്ച സമാധാനം കിട്ടും. അതുപോലെ തന്നെയാവണം മറ്റുള്ളവർക്കും........

ദൈവം സാന്ത്വനമാണ് സ്നേഹമാണ് ആശ്രയമാണ് ആശ്വാസമാണ്...അങ്ങനെ നല്ല മധുരമുള്ള ഒരു മാങ്ങയാണ്..പക്ഷെ അതിൽ തുരന്നു നശിപ്പിച്ചും ജീവിക്കുന്ന പുഴുക്കളാണ് മതം........

"AUM AMEN AMEEN''.....all are same .....